Pogoda na podzim
I: Witej, Jola. Ledwoch uciykła przed dyszczym.
J: Widzã, żeś trochã mokrzutkŏ. Niy mŏsz paryzola?
I: Mōm, nale niy zdōnżyłach go wyciōngnōńć!
J: Podzim to taki czŏs, co sie pogoda miyni co chwilã.
I: Trza zŏwdy mieć paryzol. I inksze ôbleczynie niźli przōdzij.
J: Czowiek winiyn mieć guminiŏki.
I: Co to guminiŏki?
J: Take gumine strzewiki na dyszcz.
I: Terŏzki sōm ône bardzij gryfne, farbiste.
J: I mogōm mieć szymel niy taki ajnfachowy.
I: Ja, pamiyntōm: we pŏski, znaczy pasiaty, we kwiŏtki, znaczy kwiecisty, we kropki, kulki, kōłka, gwiŏzdki i inksze. We wszyjskich farbach.
J: Niy dŏ sie już lŏtać po bosŏku.
I: Ani z gołymi nogami w sandałach.
J: Z gołymi szłapami w zandalach.
I: Nō, niy dŏ sie z gołymi szłapami w zandalach, a z gołymi szłapami w guminiŏkach to już cołkym niy.
J: Ja majōm być rajtuzy abo chociŏż fuzekle.
I: Ja rajtuzy i fuzekle.
J: I dziypiyro na te fuzekle ôbuwać guminiŏki.
I: Ôbuwać guminiŏki i ôblykać mantel na dyszcz, i zŏwdy mieć paryzol.
J: I jŏ jeszcze myślã, co kożdy winiyn mieć jakiś plyjt.
I: Znaczy sie???
J: Nō, take coby ôwinōńć sie szyjã, jak przidzie wiater.
I: Ja! To trza mieć. Mianuje sie plyjt? Ja?
J: Ja. I cosik na gowã?
I: Mogã sie ôwinóńć gowã tym plyjtym.
J: I możesz tyż mieć czōpkã abo hut. Abo chociŏż kapuca ôd jakle abo ôd mantla wrazić na gowã.
I: Kapucã?
J: Taki kaptur, w niykerych regiōnach gŏdajōm tyż: kapuza. A u nŏs kapuca.
I: To może tak z niymieckigo? Jak naszkryfla.ne zet, to sie gŏdŏ ce?
J: Może tak być. Cŏłkym dobrŏ idyjŏ. To gŏdej gibko, co trza mieć na podzim, coby niy charlać i niy smarkać.
I: Musi być zŏwdy paryzol. Trza ôbuć guminiŏki, nale nojprzōd ŏblyc na szłapy fuzekle, dalij ôblyc jaklã z kapuzōm, może być tyż mantel…
J: Nale niy pelcmantel, bo to niy ma ekologiczne.
I: W życiu, bo to tyż niy ma przeciwdyszczowe.
J: To trzim sie tam jako!
Nowy cykl audycji w Radiu Katowice. Iwona Kwaśny, dziennikarka, Zagłębiaczka, postanowiła uczyć się śląskiego, ale tak, jak języka obcego. Na lekcje, a w zasadzie na "Korki ze śląskiego" zapisała się do znakomitej profesorki, językoznawczyni Jolanty Tambor z Uniwersytetu Śląskiego, dla odmiany rodowitej Ślązaczki. Co tydzień inna lekcja i inny temat, do którego dołączamy tekst dialogu i instrukcję gramatyczną, w opracowaniu prof. Jolanty Tambor. Audycje realizuje Krzysztof Kiczek.
